คนบ่มีวาสนา เฮ็ดจั่งใด๋มันกะบ่ขึ้นบ่เกิด คนมีบุญเฮ็ดหยังจับหยังมันกะขึ้นเมิด ทำมาค้าขายหยังกะขึ้น จั

คนบ่มีวาสนา เฮ็ดจั่งใด๋มันกะบ่ขึ้นบ่เกิด คนมีบุญเฮ็ดหยังจับหยังมันกะขึ้นเมิด ทำมาค้าขายหยังกะขึ้น จับหยังกะเป็นเงินเป็นทอง มีทางไปได้ คนบ่มีวาสนาหนิปิดตันอั้นตู้ เฮ็ดหยังกะบ่ขึ้นบ่เกิด เพราะเหตุใด เพราะบ่เคยทำบุญไว้ในอดีตชาติ คนที่ทำบุญไว้ในอดีตชาติ มันเป็นมันไป จับอิหยังมันกะพอเป็นพอไป พอไปได้ อานิสงส์ศีลทาน เพิ่นว่าบ่ควรประมาท

ใจของคนนี่ มันมองบ่เห็น แต่มันมีฤทธิ์ บังคับให้ร่างกายเฮ็ดหยังกะได้ บุญกุศลคือกัน มองบ่เห็นแต่มันมีฤทธานุภาพ บันดลบันดาลให้คนมีความสุขความทุกข์ได้ เพราะฉะนั้นเพิ่นจั่งให้สร้างบุญกุศล ใส่จิตใส่ใจของพวกเฮา อย่าประมาทว่าสิ่งเหล่านั้นบ่มี มันมี คนเกิดมามันบ่คือกัน สู่มื้อนี่เฮากะเบิ่งอยู่แล้ว การเป็นอยู่การคิดการกระทำมันกะบ่คือกัน เพราะฉะนั้นเกิดมาภพหน้าชาติหน้าสิให้คือกันมันกะบ่คือกันเด้ มันต่างกันอยู่